Kalittokai 2

((Originally extracted from master file ^KALI.OCP))
((Last updated on 2004 April 14th))

• A (10) [taravu]
• B (4) [tāḻicai]
• C (4) [tāḻicai]
• D (4) [tāḻicai]
• E (1) [taṉiccol]
• F (6) [curitakam]

• {KALI 2-1} toṭaṅkal kaṇ tōṉṟiya mutiyavaṉ mutal āka
• {KALI 2-2} aṭaṅkātār miṭal cāya amarar vantu irattaliṉ
• {KALI 2-3} maṭaṅkal pōl ciṉaii māyam cey avuṇarai
• {KALI 2-4} kaṭantu aṭu muṉpoṭu mukkaṇṇāṉ mūveyil um
• {KALI 2-5} uṭaṉṟa kāl mukam pōla oḷ katir teṟutaliṉ
• {KALI 2-6} cīṟu arum kaṇicciyōṉ ciṉavaliṉ a eyil
• {KALI 2-7} ēṟu peṟṟu utirvaṉa pōl varai piḷantu iyaṅkunar
• {KALI 2-8} āṟu keṭa vilaṅkiya aḻal avir ār iṭai
• {KALI 2-9} maṟappu arum kātal ivaḷ īṇṭu oḻiya
• {KALI 2-10} iṟappa tuṇintaṉir kēṇmiṉ maṟṟu aiiya
• {KALI 2-11} tolaivu āki irantōrkku oṉṟu īyāmai iḻivu eṉa
• {KALI 2-12} malai iṟantu ceyal cūḻnta poruḷ poruḷ ākum ō
• {KALI 2-13} nilaiiya kaṟpiṉāḷ nī nīppiṉ vāḻātāḷ
• {KALI 2-14} mulai ākam piriyāmai poruḷ āyiṉ allatai
• {KALI 2-15} il eṉa irantōrkku oṉṟu īyāmai iḻivu eṉa
• {KALI 2-16} kal iṟantu ceyal cūḻnta poruḷ poruḷ ākum ō
• {KALI 2-17} tol iyal vaḻāamai tuṇai eṉa puṇarntavaḷ
• {KALI 2-18} pul ākam piriyāmai poruḷ āyiṉ allatai
• {KALI 2-19} iṭaṉ iṉṟi irantōrkku oṉṟu īyāmai iḻivu eṉa
• {KALI 2-20} kaṭaṉ iṟantu ceyal cūḻnta poruḷ poruḷ ākum ō
• {KALI 2-21} vaṭamīṉ pōl toḻutu ētta vayaṅkiya kaṟpiṉāḷ
• {KALI 2-22} taṭa mel tōḷ piriyāmai poruḷ āyiṉ allatai
• {KALI 2-23} eṉa ivaḷ
• {KALI 2-24} puṉkaṇ koṇṭu iṉaiya um poruḷ vayiṉ akaṟal
• {KALI 2-25} aṉpu aṉṟu eṉṟu yāṉ kūṟa aṉpuṟṟu
• {KALI 2-26} kāḻ varai nillā kaṭum kaḷiṟṟu oruttal
• {KALI 2-27} yāḻ varai taṅkiyāṅku tāḻpu niṉ
• {KALI 2-28} tol kaviṉ tolaital añci eṉ
• {KALI 2-29} col varai taṅkiṉar kātalōr ē